حوزہ نیوز ایجنسی کے مطابق، سیکرٹری جنرل شیعہ علماء کونسل پاکستان علامہ شبیر حسن میثمی نے اعلیٰ سطحی وفد کے ہمراہ صدر انجمن امامیہ بلتستان علامہ سید محمد باقر الحسینی سے ملاقات کی ہے۔
رپورٹ کے مطابق علامہ ڈاکٹر شبیر حسن میثمی نے علامہ سید محمد باقر الحسینی کے مرحومین کیلئے فاتحہ خوانی کی اور بلندی درجات کی دعا فرمائی۔
بعدازاں موجودہ صورتحال اور علاقائی مسائل کے حوالے سے مفصل گفتگو بھی ہوئی۔
سیکرٹری جنرل نے ان تک قائد ملت جعفریہ پاکستان علامہ سید ساجد علی نقوی کا سلام اور موجودہ صورتحال کے حوالے سے پیغام بھی پہنچایا۔
قابل ذکر ہے کہ علامہ باقر الحسینی نے سیکرٹری جنرل کی ان کےہاں تشریف آوری پر ان کا شکریہ بھی ادا کیا۔
